Төгсөх курсынхан сургуулиа амжилттай дүүргэлээ
Д.Жигжидийн нэрэмжит КУДС-ын 2011-2012 оны төгсөгчдийн диплом хамгаалалт энэ сарын 4-5ны хооронд болж өндөрллөө. Нийт 117 төгсөгчдийн 105 нь амжилттай дипломоо хамгаалсан юм. Шалгалтын комиссын бүрэлдэхүүнд СГЗ док.пр С.Баясгалан, СГЗ док.пр С.Лочин, СГЗ док.пр Т.Баасансүрэн, АЖ пр Б.Мөнхдорж, АЖ пр Д.Мэндбаяр, АЖ пр А.Очирбат, УГЗ зураач П.Цогзол, СГЗ найруулагч Б.Баатар, СГЗ сэтгүүлч Н.Лхагва, КУДС-ийн захирал пр Ж.Солонго нар ажиллаа. Радио телевизийн сэтгүүлчдийн 4-р курсын оюутнууд бичвэрийн ажлаар дипломоо хамгаалсан бол найруулагч, дууны найруулагч, зураглаач, менежерийн ангийн оюутнууд богино хэмжээний дэлгэцийн бүтээлээр хамгаалсан юм. Харин АЖ. П.Цэрэндагва багштай жүжигчний 4б ангийнхан “Шекспер”- ын “Отелла” жүжгийг УБ чуулгын тетарт өнгөрсөн сарын 25-нд тавьсан байна. СТА Ш.Цэцэг багштай жүжигчний 4а ангийнхан “Маанаг гайхал” жүжгийг энэ сарын 4-нд тавьснаараа тус тус дипломын ажлаа амжилттай гүйцэтгэсэн юм. Найруулагчийн 4-р курсын оюутан Э.Болорэрдэнэ Б.Өлзийсайханы зохиол “Хон хэрээний нулимс” , оюутан Н.Сайхантуяа Д.Цэнджавын “Алтан” , мөн найруулагчийн 4-р курсын оюутан Л.Ганчимэг “Сарны сонат” гэх мэт богино хэмжээний дэлгэцийн ажлыг хийсэн байна. Эдгээр бүтээлүүд нь сургуулийн архив болон номын санд хадгалагдан үлдэх юм. Урлагийн салбарт хүч сорих боловсон хүчин болон бэлтгэгдсэн нийт төгсөх курсын оюутнууд та бүхнийг урлагийн янжинлхам бурхан ивээх болтугай.
