Мобиком Хөл Бөмбөгийн ДАШТ-ийг гар утсаар шууд дамжуулна

МобиКом компани ДАШТ-ийг Монголд шууд дамжуулах үйл ажиллагааны ерөнхий ивээн тэтгэгчээр ажиллаж байна. 2014 оны 3-р сарын 26, Улаанбаатар хот – Дэлхий дээрх зургаан тэрбум хүний хүсэн хүлээж, шимтэн үздэг Дэлхийн хөлбөмбөгийн аварга шалгаруулах тэмцээнийг үүрэн телефоны анхдагч оператор “Мобиком” компанигар утсаар дамжуулах боллоо. Энэ оны зургадугаар сард Бразилийн нийслэл Рио Де Жанейро хотод эхлэх 20 дахь удаагийн ДАШТ-нийг Монгол Улсын нутаг дэвсгэрт телевиз, радио, мобайл болон интернетээр дамжуулах эрхийг “ЕТV” телевиз авсан билээ.Мобиком Компани уг шууд дамжуулалтын үйл ажиллагааны ерөнхий ивээн тэтгэгч болж, ДАШТ-ийг гар утсаар дамжуулах цорын ганц, онцгой эрхийн хүрээндETV-тэй хамтран ажиллах санамж бичигт МобиКом компанийн Маркетинг сурталчилгаа хариуцсан дэд захирал Б.Баатарзаяа болон Имердж Медиа ХХК-ийн Ерөнхий захирал Ц.Энхбат нар өнөөдөр гарын үсэг зурлаа.

МобиКом компанийн Маркетинг сурталчилгаа хариуцсан дэд захирал Б.Баатарзаяа ярилцлагын үеэр “Дэлхийн төдийгүй Монголын залуучуудын анхаарлын төвд байдаг хөлбөмбөгийн ДАШТ эхлэх цаг хугацаа ойртсоор байна. Энэ ажилд шууд дамжуулах бүрэн эрхийг нь авсан “ETV” телевизтэй хамтран ажиллах болсондоо маш их таатай байна. Бид энэ үйл явдалд зориулаад нэгдүгээр сараас эхлэн бэлтгэсэн. Энэхүү бэлтгэл ажил үндсэндээ дуусч, энэ сарын 31-нээс эхлэн “Цэнэглэ, тогло, хож” урамшуулалт хөтөлбөрийг эхлүүлэх гэж байна. Энэхүү хөтөлбөр энэ зуны хамгийн том сенсаци болно гэж төлөвлөж байгаа.

Цэнэглэ, тогло, хож хөтөлбөрийн эхний шат таван долоо хоног үргэлжилнэ. Долоо хоног бүр нэг азтаныг шалгаруулж хөлбөмбөгийн ДАШТ-ний нээлтийг үзэх эрхээр шагнах юм. Тэгэхээр нийт таван хэрэглэгч Бразиль улсад таван өдрийн турш хөлбөмбөгийн тайлбарлагч Б.Батзаяагийн хамтаар аялаж, тэмцээний нээлт, нээлтийн тоглолт үзэж, гайхалтай хотуудаар аялах эрхийн эзэн болно. Мөн дээрх урамшуулалд идэвхитэй оролцсон нэг хэрэглэгчийг шалгаруулж Дэлхийн аваргын эзэн болсон улс руу хосоороо аялах эрхээр урамшуулна” гэж дурдлаа.

Түүнчлэн ДАШТ-ийг танд хүргэх ухаалаг гар утсанд зориулсан “Улаан фанат” аппликейшнийг ирэх сарын дунд үеэс эхлэн татаж авахад бэлэн болгохоор ажиллаж байна. Мобикомын хэрэглэгчид тус аппликейшнийг гар утсандаа суулгаснаар өөрийн хүссэн тоглолтыг гар утсаараа шууд хүлээн авч үзэхээс гадна телевиз, интернетээр гараагүй тоглолтын хэсгүүдийг хүлээн авч үзэж болно. Мөн тухайн тоглож байгаа багийн сонгогдсон од тамирчныг тоглолтын туршид камераар дагах, бэлтгэл хийж буй үеийн онцгой агшнуудыг үзэх зэрэг боломжтой.

Та “Цэнэглэ, тогло, хож” урамшуулалт хөтөлбөрийн хүрээнд МобиКом Компаниас хэрэглэгчиддээ зориулан бэлтгээд буй сүүлийн үеийн урамшууллын мэдээ, мэдээллийг MobiCom Official (https://www.facebook.com/MobiCom.Official) фэйсбүүк хуудсанд зочлон хүлээж аваарай