ЕБС-ийн Шавь цогцолборын дунд болон ахлах ангийн нийт 80 гаруй сурагчдад “Цогт тайж” киног үзүүллээ

Төрийн шагналт, Ардын жүжигчин, найруулагч Д.Жигжид, МУГЖ М.Бадамгарав, УГЗ найруулагч Ц.Зандраа нарын 100 жилийн ойн Эрдэм шинжилгээний арга хэмжээг зохион байгуулах хүрээнд ЕБС-иудын сурагчдад эдгээр уран бүтээлчдийн бүтээл тууривлаас толилуулж байгаа билээ. Энэхүү ажлын эхлэл болж Шавь цогцолбор сургуулийн дунд болон ахлах ангийн нийт 80 гаруй сурагчдад Цогт тайж киног үзүүллээ.

Кино үзүүлэхийн өмнө КУДС-ийн кино үзлэгийн багш О.Лхагвамаа кино хэрхэн бүтсэн болон, киноны түүхэн ач холбогдол, дүрүүдийн тухай товч яриа өрнүүлсэн юм. Тэрээр : “-”Цогт тайж кино бол Зууны манлай кино. Монголчуудын эх оронч сэтгэлгээг төлөвшүүлэх, эх оронч үзлийг сурталчилсан сор бүтээл билээ. Энэ киноноос та бүхэн эх орныхоо тусгаар тогтнол хэрхэн бидэнд ирсэн талаар мэдэж авна гэдэгт итгэж байна” гэсэн юм.

Сурагчид кино үзсэнийхээ дараа сонирхсон асуултаа асууж, мэдээллээ солилцож байлаа. Мөн уг арга хэмжээг зохион байгуулсан багш нартаа талархаж байгаагаа илэрхийлж байв. Ийнхүү сурагчид нэг өдрийг үр бүтээлтэй өнгөрүүлж, эх орныхоо тусгаар тогтнол хэрхэн, ямар үнэ цэнэтэй олдсон талаарх мэдээллийг мэдэж авсан юм.